Please follow and like us:
ମାନବ ଶରୀରରେ ଘଟୁଥିବା ଏକ ବିରାଟ ପରିବର୍ତ୍ତନକୁ ଠାବ କରିଛନ୍ତି ବୈଜ୍ଞାନିକ। ଜୀବବିଜ୍ଞାନୀମାନେ ଜାଣିବାକୁ ପାଇଛନ୍ତି ଯେ, ପୁରୁଷଙ୍କ ଶରୀରରେ ଥିବା Y କ୍ରୋମୋଜୋମ ଧୀରେ ଧୀରେ ଲୋପ ପାଉଛି। ଯଦି ଏପରି ଘଟିଚାଲେ, ତେବେ ଭବିଷ୍ୟତରେ ପୃଥିବୀ ପୁରୁଷ ଶୂନ୍ୟ ହେବାର ଆଶଙ୍କା ରହିଛି।
କାରଣ ପୁରୁଷଙ୍କ ଶରୀରରେ ଥିବା Y କ୍ରୋମୋଜୋମ କାରଣରୁ ହିଁ ପୁତ୍ର ସନ୍ତାନ ଜନ୍ମ ନେଇଥାଏ। ଯଦି ଏହି କ୍ରୋମୋଜୋମ ବିଲୁପ୍ତ ହୋଇଯାଏ ତେବେ ପୃଥିବୀ ପୁରୁଷ ଶୂନ୍ୟ ହୋଇଯିବା ନେଇ ଜୀବବିଜ୍ଞାନୀମାନେ ଚିନ୍ତା ପ୍ରକାଟ କରିଛନ୍ତି।
Y କ୍ରୋମୋଜୋମ କଣ?
Y କ୍ରୋମୋଜୋମ୍ ଜିନ୍ ବହନ କରେ, ଯାହା ପୁରୁଷଙ୍କ ପ୍ରଜନନ ଟିସୁର ବିକାଶ ପାଇଁ ଗୁରୁତ୍ୱପୂର୍ଣ୍ଣ। ଗର୍ଭସ୍ଥ ଶିଶୁ ପୁଅ ନା ଝିଅ, ତାହା ଏହି Y କ୍ରୋମୋଜୋମରୁ ହିଁ ଜଣାପଡ଼ିଥାଏ।
ପୁରୁଷଙ୍କର ସାଧାରଣତଃ ଗୋଟିଏ X ଏବଂ ଗୋଟିଏ Y କ୍ରୋମୋଜୋମ୍ (XY) ଥିବାବେଳେ ମହିଳାଙ୍କର ଦୁଇଟି X କ୍ରୋମୋଜୋମ୍ (XX) ଥାଏ। Y କ୍ରୋମୋଜୋମ୍ X କ୍ରୋମୋଜୋମଠାରୁ ଖୁବ୍ ଛୋଟ ଏବଂ ଏଥିରେ କମ୍ ଜିନ୍ ଥାଏ।
Please follow and like us:
